الشعر الشعبي ثقافة

سلطه وجاه الك يمي والك مال
كلبي ماعشق غيرك ولك مال
الله يساعد الراسب والاكمال
والناجح الف رحمة على ابية


اريد اكصد لعد كلبك وظــــيفه
واحط حبي على حبك وظيـــيفه
اذا هذا العشك صاير وظــــيفه
ما اطلع تقاعد للمنيه


صخر ما اذوب بس كوة اذب لك
سكيتك وانا بيدي اكدر اذبلك
يكلبي انوب اذا تعشك اذب لك
نفط وبنار احركنك بدية


جبل ما الوذ والحب لوى اذاني
وحبيبي ارضى باذيتة لو اذاني
شكثر جف اعلة حبك لوى اذاني
اتوب وتالي ارد غصبن علية

السلام عليكم : بعض الابوذيات كبداية للمشاركة في هذا المنتدى , الشعر الشعبي يمثل ركيزة اساسية من ركائز الثقافة بالنسبة للمجتمع العراقي وخاصة المناطق الجنوبية منه. شكراا